Google ADS

Mjetet e parapara për import të rrymës për tërë vitin u shpenzuan për dy muaj

12:37 | 14 Dhjetor 2021
Përparim Bublaku

Ministrja e Ekonomisë, Artane Rizvanolli ka thënë se çmimi i importit të energjisë elektrike, aktualisht është shumë i lartë dhe se bëhet fjalë për një situatë të jashtëzakonshëm.

Ajo ka thënë se mjetet e parpara për import gjatë tërë vitin prej 12 milionë euro janë shpenzuar për dy muaj.

“Ne jemi në kapacitetet tona gjeneruese të KEK dhe këto kanë mjaftuar për të mbuluar kërkesën vendore. Siç është pritur me ftohjen e motit është rritur edhe kërkesa për import. Çmimi i importit është tejet i lartë. Është një situatë e jashtëzakonshme.

Rizvanolli tutje para deputetëve ka shpjeguar se shpenzimet e importit kanë arritur 12 milionë deri më tani, përderisa ka qenë e paraparë që gjatë tërë vitit të harxhohen jo më shumë se 12 milionë të importit.
“Shpenzimet e importit kanë arritur në 12 milionë për periudhën nëntor-dhjetor, teksa ka qenë e paraparë që për tërë vitin të shpenzohen jo më shumë se 12 milionë për import”, ka thënë ajo./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm